.png)
Gazeta Si- Prokuroria e Posaçme ka paraqitur përpara gjykatës kërkesën për pushimin e hetimeve për ish-gjyqtarin e Gjykatës së Lartë, Admir Thanza.
Ai ua akuzua për veprën penale “Refuzim për deklarim, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nënpunësve publikë ose i çdo personi tjetër që ka detyrim ligjor për deklarim”.
Thanza u gjet fajtor në vitin 2019 dhe u dënua me 18 muaj shërbim prove në Shkallën e Parë me argumentin se nuk kishte deklaruar një dënim të dhënë në shtetin italian, fakt që ishte bërë publik në procesin e Vettingut.
Vetë ish-gjyqtari i lartë argumentoi para drejtësisë së vendimi i gjykatës ishte sanksionues, jo dënim dhe për këtë nuk kishte arsye pse ta deklaronte.
Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar vendosi pranimin e kësaj kërkese.
Kundër këtij vendimi do të lejohet ankimimi nga i pandehuri në Gjykatën e Posaçme të Apelit për Korrupsionin dhe Krimin e Organizuar, brenda 15 ditëve, duke filluar ky afat nga e nesërmja e komunikimit të vendimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
