Gazeta Si – Zbulohet pas 11 ditësh shkaku i vdekjes së Elton Tahirit, trupi i pajetë i së cilit u gjet më 13 shkurt në afërsi të përroit të Limuthit në Bërxull të Tiranës.
Policia thotë se dyshohet se 48-vjeçari ka ndërruar jetë gjatë kohës që ka qenë duke konsumuar droga të forta me shokun e tij Madjel Husa, 47 vjeç.
Sipas policisë, të dy kanë qenë në shtëpinë e Husës duke konsumuar kokainë dhe heroinë kur Tahiri ndërroi jetë. Por shoku nuk e ka treguar ngjarjen në polici.
Ai e ka futur trupin e pajetë në automjet dhe e ka lënë në afërsi të përroit të Limuthit që gjendet në fshatin Bërxullë të Tiranës.
Policia theson se ka kontrolluar shtëpinë e 47-vjeçarit dhe ka gjetur e sekuestruar sende që dyshohet se janë përdorur për konsumimin e lëndëve narkotike dhe mjetin që ka përdorur Husa për transportimin e trupit të pajetë.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
