.png)
Gazeta Si – Gjykata e Lartë ka rrëzuar kërkesën e eurodeputetit grek, Fredi Beleri, i cili kërkoi pafajësi për dënimin me 2 vite burg për korrupsion në zgjedhje.
Beleri u dënua pasi u kap duke blerë vota për zgjedhjet kur garonte për kryebashkiak në Himarë në vitin 2023. Fredi Beleri u lirua nga qelia me kusht, më 2 shtator 2024.
Po ashtu Gjykata e Lartë ka rrëzuar edhe kërkesën për pafajësi nga bashkëpunëtori i tij, Pandeli Kokaveshi, i dënuar me shërbim prove.
Beleri dhe Kokaveshi u arrestuan me urdhër të Prokurorisë së Vlorës në orët e para të mëngjesit të 12 majit 2023, vetëm dy ditë përpara datës kur do të votohej për të zgjedhur kryetarët e rinj të bashkive.
Sipas organit të akuzës, rezultonte se i pandehuri Beleri ka ofruar nga 50 euro për tetë vota. Po ashtu, Beleri u akuzua se i kishte dhënë paratë nëpërmjet të pandehurit tjetër, Pandeli Kokaveshi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje