.png)
Gazeta Si – Gjykata e Lartë ka rrëzuar vendimin e GJKKO për dënimin e Bashkim Dedjas, ish-kryetarit të Gjykatës Kushtetuese, i cili u dënua me 12 muaj shërbim prove për fshehje të pasurisë. Me këtë vendim, dosja e tij tashmë është kthyer për rigjykim.
Prokuroria e Posaçme pati kërkuar dënimin e tij me një vit burg për Dedjen lidhur me akuzën për veprën penale për të cilën dyshohej, por GJKKO vendosi 6 muaj burg, i cili iu konvertua në një vit shërbim prove.
Sipas SPAK, Dedja fshehu disa prej pasurive të tij në formularin e vetëdeklarimit, ndërsa u bë gjyqtari i parë që dënohej nga GJKKO pasi nuk kaloi Vettingun, duke qenë se u rrëzua në Apelin e Posaçëm.
Ish-kryetari i Gjykatës Kushtetuese, u shkarkua nga Vettingu për mosjustifikim të pasurive, ndërsa në prill të vitit 2025, gjykata vendosi sekuestrimin e pasurive të tij, mes të cilave një apartament në Golem.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
