Gazeta Si – Drejtori i burgut të Reçit, Ervis Zika, është lënë në “arrest shtëpie” nga Gjykata e Shkodrës këtë të enjte.
I arrestuar pak ditë më parë, dyshohet se si ka kaluar në regjim pa skaner, sende te paligjshme dhe se ka firmosur në mënyrë fiktive kartelat e karburantit.
Pala mbrojtëse kërkoi një masë lehtësuese për faktin se drejtori i burgut nuk përbën rrezikshmëri për largimin nga Shqipëria.
Hetimi ndaj drejtorit të burgut të Reçit do vijojë në kushtet e arrestit të shtëpisë.
Vendimi u dha nga gjyqtarja e Shkallës së parë në Shkodër, Izabela Radovani, ndërsa prokurore e çështjes është Shqiponja Milla.
Pas arrestimit, Ministri i Drejtësisë, Ulsi Manja emëroi në drejtimin e Institucionit të Vuajtjes së Dënimit të Reçit, Seit Vucajn.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
