Ka ndërruar jetë i moshuari, i cili një ditë më parë u aksidentua nga një automjet teksa ecte mbi trotuar pranë bulevardit “Bajram Curri” në Tiranë.
Policia thotë se ka arrestuar 25-vjeçarin Mariglen Harizi, pasi të shtunën në mbrëmje ka aksidentuar për vdekje një këmbësor 82 vjeç.
Nga përplasja, i moshuari Qani Kamberaj ka pësuar dëmtime të rënda dhe ka ndërruar jetë në spital.
Makina me të cilën udhëtonte i riu, ka përfunduar buzë lulieshtes së Lanës dhe shkak dyshohet se ka qenë shpejtësia e lartë.
Ngjarja u shënuar teksa mëngjesin e të shtunës, vendi u trondit nga vdekja e 4 anëtarëve të një familjeje, e cila u shua në një aksident tragjik në aksin Fier-Vlorë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
