Gazeta Si - Ka ndërruar jetë në spitalin e Tiranës 17-vjeçari, i cili u përplas për vdekje me makinë nga ish-kryebashkiaku i Himarës, Vasil Bollano.
Ky i fundit është arrestuar nga policia, e cila e akuzon për veprën penale “Shkelja e rregullave të qarkullimit rrugor”, me pasojë vdekjen.
I mituri u aksidentua mbrëmjen e të mërkurës dhe u transportua drejt spitalit të Traumës në Tiranë, ku edhe ndërroi jetë gjatë orëve të natës.
Aksidenti ndodhi në Llogora, ku ish-kryebashkiaku i Himarës, duke drejtuar automjetin tip “Benz”, përplasi të miturin me iniciale E.H.
17-vjeçari ka qenë duke kaluar rrugën për të shkuar tek lokali i gjyshes së tij, i cili ndodhet në afërsi të fushës së sportit në Llogora.
Në atë moment Vasil Bollano ka kaluar në këtë aks rrugor dhe e ka përplasur.
Vasil Bollano është kryetar i Omonoias, Unioni Demokratik i Minoritetit Grek dhe përfaqësues i grekëve që jetojnë në Shqipëri.
Omonoia është një organizatë sociale, politike dhe kulturore në Shqipëri që promovon të drejtat e minoritetit grek në jug të vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.