Turqia po planifikon të sjellë trupa shtesë në Kosovë gjatë së dielës dhe të hënës në përgjigje të kërkesës së NATO-s për t’iu bashkuar forcës paqeruajtëse të aleancës KFOR pas trazirave në veri të vendit.
Ministria turke e Mbrojtjes ka njoftuar të shtunën se do ta sjellë një batalion, duke mos bërë të ditur se sa do të jetë numri i tyre, raportoi Reuters.
Në deklaratën e lëshuar, ministria bëri thirrje për përmbajtje dhe dialog konstruktiv për të zgjidhur krizën, që sipas saj, mund të dëmtojë sigurinë dhe stabilitetin rajonal.
“Njësia jonë e caktuar (një batalion komando) është planifikuar të dislokohet në Kosovë më 4-5 qershor”, thuhet në njoftimin e ministrisë.
Në dhunën e përdorur të hënën nga protestuesit të hënën në tri komunat veriore, mbetën të lënduar 30 paqeruajtës. Dhuna e shtyu NATO-n të njoftonte se do të dërgonte mbi 700 trupa shtesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
