.png)
Nga Gazeta ‘SI’ – Shifrat e turizmit në Shqipëri nuk u rikuperuan as në shkurt 2026, pas rënies së raportuar gjatë janarit. Krahasuar me të njëjtën periudhë të vitit 2025, rritja e hyrjeve ishte më e ngadaltë, duke shënuar 1.1 milionë hyrje, me një rritje prej 3.9%, ndërsa në shkurtin e vitit të kaluar kjo rritje kishte qenë 8%.
Pjesa më e madhe e hyrjeve ishin shtetas shqiptarë, me 584 mijë persona (rritje 7,6%), ndërsa të huajt përbënin rreth 516 mijë persona, me një rritje minimale prej 0,03%. Nga shtetasit e huaj, Europa Jugore kontribuoi me 85% të hyrjeve nga kontinenti, ndërsa Europa Perëndimore me vetëm 5%.
Sa i përket qëllimit të hyrjeve, 96% e shtetasve të huaj hyjnë për arsye personale, ndërsa hyrjet për qëllime biznesi dhe profesionale u rritën me 7.9% krahasuar me Shkurt 2025.
Nga ana tjetër, daljet nga Shqipëria shënuan gjithashtu rritje, duke arritur 1.090.650 persona (rritje 2,2%). Nga këta, 572 mijë ishin shqiptarë (rritje 5,3%) dhe 517 mijë të huaj, me një rrënie prej 1% krahasuar me shkurtin e vitit të kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje