Gazeta Si – Turisti polak, i cili mbeti i bllokuar në kanionin e Gjipesë që prej pasdites së të premtes, është nxjerrë prej andej nga forcat zjarrfikëse të Vlorës.
Ai kishte pësuar fraktura në këmbë dhe trup dhe pasi ka marrë ndihmën e parë mjekësore, është transportuar me barrelë në ambulancën që e priste në një zonë fushore.
Një infermier së bashku me një alpinist dhe forca të policisë kanë zbritur në vendin ku ai ishte bllokuar. Sipas policisë, turisti polak u bllokua që prej orës 13:30 të ditës së premte, duke u rrëzuar në një greminë.
Anxhei Pistek tregon se u ngjit mbi kanion dhe më pas u rrëzua kur nuk arriti dot të mbahej siç duhet për tu ngjitur.
Ai ka pritur ndihmën mjekësore nga 13:00 e mesditës së djeshme kur ka njoftuar sallën e urgjencës dhe rreth orës 16:00 ka dëgjuar zëra pasi ishte e pamundur për ta ndihmuar më parë për shkak të terrenit.
Turisti polak shprehet se do e vizitojë sërish Shqipërinë se i pëlqen shumë dhe se kjo gjë mund të ndodhte kudo.
“Mendoj se këmba është thyer, por jam mirë në përgjithësi. Mora një rrugë të gabuar dhe u rrëzova duke thyer këmbën. Isha me një mik, por ngatërrova rrugën duke shkuar nga një anë tjetër. Mora policinë në 13:00 dhe zërat e para i dëgjova rreth orës 4, ndërsa disa njerëz erdhën rreth orë 6, ndërsa më pas erdhën në orën 7 të mëngjesit. Kisha pak dhimbje, por është ok. Do të vijë sërish në Shqipëri sepse mund të ndodhte kudo. Njerëzit janë të mrekullueshëm, sidomos ekipi shpëtues. Kisha pak frikë, por ishte e vështirë sepse duhet të ndërtonin një rrugë për të ardhur”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
