.png)
Mostrat e kancerit të zorrës së trashë që janë ruajtur deri në një shekull do të analizohen për të provuar të zgjidhin rritjen misterioze të sëmundjes tek të rinjtë.
Pavarësisht se shumica e kancereve të zorrës së trashë ende gjenden tek të rriturit më të moshuar, rritja tek pacientët më të rinj është parë në të gjithë botën dhe shkencëtarët nuk e dinë pse.
Bodrumi në Spitalin Kombëtar në Britani ka një koleksion unik prej dhjetëra mijëra mostrash të arkivuara të kancerit.
Këto tani po i nënshtrohen analizave të avancuara shkencore për të kuptuar se çfarë e shkaktoi secilin kancer dhe çfarë ka ndryshuar gjatë dekadave.
Holly, 27 vjeç, është një nga një numër gjithnjë e në rritje i të rinjve që preken nga kjo sëmundje.
Fryrja dhe humbja e saj në peshë fillimisht iu atribuuan sindromës së zorrës së irrituar derisa u sëmur aq shumë sa përfundoi në urgjencë.
Aktorja e re u diagnostikua me kancer të avancuar të zorrëve dhe kishte nevojë për trajtim agresiv kur ishte vetëm 23 vjeç.
Holly tha se kimioterapia intensive “më preku në mënyra që nuk e kisha menduar kurrë se do të ishte” dhe “gjëja më e vështirë ishte thjesht të pranoja se jeta nuk do të jetë e njëjtë”.
Ajo tani ka nevojë për monitorim të rregullt.
Holly është pa kancer për më shumë se tre vjet dhe po planifikon dasmën e saj, por thotë se ka ditë që diagnostikimi në një moshë të re e trishton.
“E gjitha ndihet vërtet e padrejtë dhe mendoj, oh pse unë?”
Shkenca nuk ka një përgjigje të qartë. Çdo gjë, nga obeziteti dhe ushqimet ultra të përpunuara, te antibiotikët dhe mikrobioma, te ndotja e ajrit dhe mikroplastikat, janë sugjeruar.
“Kanceri i zorrës së trashë tek njerëzit nën moshën 50 vjeç po rritet në të gjithë botën dhe po bëhet gjithnjë e më shumë problem”, thotë Profesor Kevin Monahan, gastroenterolog.
“Ne duhet të zhvillojmë mënyra që t’i parandalojmë këto kancere në mënyrë efektive”, shtoi ai.
Monahan tha se arkivat përmbajnë mostra nga çdo pacient me kancer të zorrës së trashë i trajtuar në spital, duke e bërë atë një “burim unik ndoshta kudo në botë” për zbulimin e shkaqeve tek të rinjtë.
Kanceret e zorrëve dhe bakteret shoqëruese të zorrëve janë ruajtur dhe janë dërguar në Institutin e Kërkimeve të Kancerit (ICR) për analiza të hollësishme molekulare që është bërë e mundur vetëm kohët e fundit.
Shkaqe të ndryshme të kancerit lënë shenja ose ‘nënshkrime’ të ndryshme në ADN-në e qelizave që janë bërë kancerogjene.
Gjurmimi i asaj se sa të zakonshme janë nënshkrimet e ndryshme me kalimin e kohës do të tregonte shkakun e mundshëm të kancerit tek të rinjtë.
Prof. Trevor Graham, nga ICR, thotë se ideja e tyre kryesore është se ekziston një lloj i vecantë i E.coli që jeton në zorrët e të rinjve sot, i cili nuk ekzistonte në të kaluarën.
Mendohet se këto baktere po lëshojnë toksina që dëmtojnë ADN-në brenda indit të zorrëve, duke e shndërruar atë në kancerogjene.
Megjithëse ai ngre pyetjen pse këto baktere janë më të zakonshme tani?
“Nëse këto të ashtuquajtura baktere të këqija po shkaktojnë rritjen, duhet të shohim se si këto baktere të këqija, dëmi, ishte i rrallë në të kaluarën dhe po bëhet gjithnjë e më i zakonshëm ndërsa shkojmë drejt ditëve të sotme, mund të testojmë edhe ide të tjera”, tha Graham.
Por çfarëdo që të jetë pas rritjes, ai tha se arkivat janë një “thesar i vërtetë dhe mendoj se përgjigjja mund të jetë në këtë dhomë.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje