.png)
Gazeta Si – Presidenti i Shteteve të Bashkuara të Amerikës, Donald Trump tha se po aplikon një pauzë 90-ditore për tarifat e reja, për të gjitha vendet, përveç Kinës.
Sipas asaj që raportojnë mediat e huaja në të njëjtën kohë që dha këtë lajm, presidenti Trump gjithashtu njoftoi se është vendosur rritja e normave të tarifave ndaj Kinës në 125%. Nuk ka qenë e qartë se për cilat vende do të zbatohej pauza, teksa detaje të mëtejshme priten në vijim.
Në të njëjtin mesazh në rrjetet sociale, Trump tha se po rrit tarifat e SHBA-së ndaj Kinës ndërsa punon për të sjellë Pekinin në tryezën e negociatave.
“Bazuar në mungesën e respektit që Kina ka treguar ndaj tregjeve botërore, unë po e rris tarifën e vendosur ndaj Kinës nga Shtetet e Bashkuara të Amerikës në 125%, në fuqi menjëherë. Në një moment, shpresojmë se në të ardhmen e afërt, Kina do të kuptojë se ditët e shqyerjes së SHBA-së dhe vendeve të tjera, nuk janë më të qëndrueshme ose të pranueshme”, shkroi ai.
Kujtojmë se tarifat e importit të vendosura nga Donald Trump që hynë në fuqi këtë të mërkurë, godasin 60 vende të cilat shefi i Shtëpisë së Bardhë i akuzon për pandershmëri në marrëdhëniet tregtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
