Presidenti amerikan Donald Trump, me anë të një postimi në Instagram, u shpreh se Kanadaja duhet të bëhet shteti i 51-të i Shteteve të Bashkuara të Amerikës, pasi kështu do të kishte “taksa shumë më të ulëta dhe mbrojtje ushtarake shumë më të mirë për popullin e Kanadasë.
Sipas Trump, pa subvencionet amerikane, Kanadaja nuk ekziston më si shtet.
“Paguajmë qindra miliarda dollarë për të subvencionuar Kanadanë. Pse? Nuk ka asnjë arsye. Nuk na nevojitet asgjë nga ato që kanë ata. Ne kemi energji të pakufizuar, duhet të prodhojmë makinat tona dhe kemi më shumë dru se sa mund të na nevojitet ndonjëherë. Pa këtë subvencion masiv, Kanadaja nuk do të ekzistonte si një vend i qëndrueshëm. E ashpër, por e vërtetë! Prandaj, Kanadaja duhet të bëhet shteti ynë i 51-të i dashur. Taksa shumë më të ulëta dhe mbrojtje ushtarake shumë më të mirë për popullin e Kanadasë – DHE PA TARIFA!”, shkruan Donald Trump në Instagram.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
