.png)
Gazeta Si – Në mbledhjen e parë të Bordit të Paqes të zhvilluar këtë të enjte, presidenti amerikan, Donald Trump ka shprehur vlerësimet më të larta për presidenten e Kosovës, Vjosa Osmanin.
Ai i kërkoi asaj të ngrihej para të gjithëve, për ta përgëzuar për punën që ka bërë sa i kërket dialogut me Serbinë, madje i kërkoi që ta telefononte nëse do të kishte probleme me Serbinë.
“Marr si shembull konfliktin Kosovë-Serbi. Unë e bëra këtë! Mund të çohesh pak të lutem, vetëm një sekondë. Çfarë pune keni bërë! Faleminderit shumë, e vlerësoj. Shumë të mirë! Dhe po shkoni mirë, dhe kur mos të shkoni më mirë më telefono dhe ne do ta zgjidhim. Shumë faleminderit!”, tha Trump.
Pas këtyre fjalëve, presidentja Osmani u ngrit në këmbë dhe u duartrokit nga të gjithë liderët pjesëmarrës. Më herët, Trump vlerësoi praninë e kryeministrit Rama mes liderëve botërorë në Bordin e Paqes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje