.png)
Gazeta Si - Babai i shefit për hetimin e krimeve në Shkodër, Gjergj Shpati, ka deklaruar se shpërthimi i ndodhur orët e para të mëngjesit të sotëm ka shkaktuar mjaft dëme në shtëpinë ku jetonin 3 familje, Pëllumbi me vëllezërit e tij.
Ai thekson se nuk ka konflikte me njeri, ndaj dhe dyshimin kryesor e ka që ngjarja të ketë ardhur për shkak të detyrës që mban djali i tij.
"Mbrëmë rreth orës 04:00 kam qenë në gjumë kam dëgjuar një shpërthim, dola të shikoja që ishte shkatërruar. Jemi 17 vetë në këtë shtëpi, tre familje në tre katet e shtëpisë. I fuqishëm ishte se e tregon vetë tek dëmet. Ka shkatërruar mure, dyer e dritare, fasada, makina, avlli".
Gjergj Shpati shton se nuk ka parë njeri pas ngjarjes. "Nuk e di pse ka ndodh. S'më tha njeri bëhu gati... Për shkak të detyrës, ndoshta se ne s'kemi ngatërresa me ndonjë. As i kam njeri borxh, as nuk më ka kush. Nuk di a ka pas Pëllumbi ndonjë problem kohët e fundit. Shteti tëbëjë punën e vet e të hetojë", tha ai.
Sipas familjarëve shpërthimi ishte tejet i fortë. Dëmet janë të mëdha, por fatmirësisht nga ngjarja nuk ka persona të lënduar. Në këtë banesë jetojnë 3 familje, gjithsej 17 persona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
