Gazeta Si – Erald Pajtani është dënuar me 4 vjet burg për vendojen e një sasie tritoli në një objekt në ndërtim në zonën e Ranës së Hedhun në Lezhë.
Ngjarja ka ndodhur në nëntor të vitit 2020 dhe Pajtani, së bashku me një person dyshohet se janë autorët.
I riu nga Fushë Kruja u shpall fajtor për veprat penale, “Mbajtja pa leje dhe Prodhimi i Armëve, armëve shpërthyese dhe municionit” si dhe “Shkatërrim i Pronës me Eksploziv”.
Gjykta e Lezhës dha dënimin maksimal me 10 vite burg, por duke qenë se i riu përfiton nga gjykimi i shkurtuar dhe bashkimi i dënimeve, do të vuajë vetëm 4 vite në qeli.
Objekti në ndërtim në pronësi të biznesmenit Liman Gjoka u sulmua dy herë me lëndë plasëse, konkretisht në muajit nëntor dhe dhjetor të vitit 2020. Ndërkohë shpërthimi i dytë ende nuk është arritur të zbardhet.
Shkak i këtyre ngjarjeve dyshohet të jenë bërë konfliktet e pronësisë në lidhje me truallin ku po ndërtohej objekti disa katesh.
Ndërkohë, autori tjetër i dyshuar, Angli Stafuka, i ka mohuar akuzat në gjykatë, ndonëse përfshirja e tij në këtë ngjarje është zbuluar në bazë të qelizave telefonike
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
