Gazeta Si – Një 46-vjeçar nga Lushnja, Hysni Lila, u arrestua këtë të mërkurë, i dyshuar si i përfshirë në vendosjen e një sasie lënde plasëse në një lokal në Rrugën e Durrësit në Tiranë, më 18 korrik 2025.
Hetimet treguan se motomjeti i përdorur në ngjarje, ishte në pronësi të tij dhe dyshohet se ia kishte dhënë autorit. Vijon puna për identifikimin e personave të tjerë të përfshirë, ndërsa materialet i janë referuar Prokurorisë.
Hysni Lila ka dhënë dy dëshmi të ndryshme në polici, e para ku shprehej se e kishte shitur motorin dhe e dyta ku shprehej se e kishte dhënë në përdorim. Dyshohet se tritoli në lokalin e Sinanit ishte vendosur për shkak të një borxhi prej 50 mijë eurosh.
Policia po vijon me hetimet për të zbardhur ngjarjen dhe për të arrestuar autorin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
