Gazeta Si - Një sasi lënde plasëse i është vendosur banesës së një polici në mesnatën e së premtes në Shkodër në lagjen "Bardhaj".
Shpërthimi ndodhi në banesën e efektivit të policisë Valter Serra, ku ka pasur dëme si në banesë, por dhe në automjetin e tij.
Shkaqet ashtu si autorët momentalisht nuk dihen. Dyshimet e para janë se ngjarja mund të lidhet me detyrën e efektivit, megjithatë autoritetet thonë kanë nisur hetimet për zbardhjen e saj.
"Më datë 30.12.2022, rreth orës 02:00, në fshatin Bardhaj, ka shpërthyer një sasi lënde plasëse, para banesës së shtetasit V. S., me detyrë punonjës i Patrullës së Përgjithshme të Komisariatit të Policisë Shkodër.
Si pasojë është dëmtuar automjeti tip “Volkswagen” në pronësi të këtij shtetasi dhe janë shkaktuar dëmtime të lehta në banesën e tij," njoftoi policia.
Policia ka deklaruar se nuk ka konflkte personale me njeri, por dyshon se ngjarja mund të lidhet me detyrën e tij.
Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon punën për zbardhjen e rrethanave të kësaj ngjarjeje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.