.png)
Gazeta Si – Tri orë spektakël, rikuperime dhe kthesa të papritura. Eliminohet Karlos Alkaraz nga Kameron Norri. Çoriç duket i rilindur, mund Auger-Aliasime në dy sete dhe shkon në gjysmëfinale.
Një tjetër humbje e rëndë dhe e papritur për ‘baby fenomenin’ Karlos Alkaraz. Spanjolli u mund në çerekfinalen e turneut të Sinsinatit nga një Kameron Norrie mjaft solid. Më shumë se 3 orë spektakël, ku në fund fitoi më i vjetri dhe më eksperti, 7-6, 6-7 dhe 6-4.
SEMI-FINALS BOUND ⚡️🇬🇧@cam_norrie wins the battle against Carlos Alcaraz 7-6, 6-7, 6-4 to advance in Cincinnati! 💪@CincyTennis | #CincyTennis pic.twitter.com/U7NdyIsQte
— ATP Tour (@atptour) August 20, 2022
Britaniku ishte i pagabueshëm për gati dy orë lojë. Pasi shpëtoi 4 topa ‘break’ në fillim, ai nuk pati më probleme. Fitoi fraksionin e parë me një ‘tie-break’ të jashtëzakonshëm. Në setin e dytë shkoi deri në 4-1, por në këtë pikë Alkaraz e ktheu ndeshjen me gjuajtjet e tij të tmerrshme nga fundi i fushës.
Spanjolli fitoi një pikë të ‘pamundur’ ndaj Norri, që kishte të paktën 5 raste për ta fituar atë. Në setin e 3-të Alkaraz fluturoi në 3-1 dhe këtu sërish ndeshja mori kthesë. Djaloshi i ri nuk kishte më energji dhe qetësi, duke e humbur setin 6-4. Për Norrie është gjysmëfinalja e dytë Masters 1000, pas Indian Wells 2021.
Tani britaniku do ndeshet me kroatin Borna Çoriç, i cili mundi me një 6-4 të dyfishtë kanadezin Feliks Auger-Aliasime. Një fitore tri ditë pas asaj ndaj Rafael Nadal, që e ngre Çoriç në nivele të larta pas gati dy vitesh.
Në pjesën e sipërme të tabelës, ai që do të diskutojë me Medevdev një vend për në finale do të jetë greku Stefanos Tsitsipas. Ai mundi 7-6, 5-7 dhe 6-3 amerikanin Xhon Inser. Për 2 orë e 22 minuta greku ia doli të fitonte ndeshjen. Moment kruçal ishte ndërprerja e ndeshjes nga shiu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
