Sot luhen tre ndeshjet e mbetura të javës së 34-të të Superligës, ndërkohë që dy përballje janë luajtur dje.
Bëhet fjalë për sfidat Vllaznia-Kukësi, Teuta-Partizani dhe Bylis-Laçi. Verilindorët kërkojnë të marrin trepikëshin për të qëndruar ende në garë për kampionat, pasi në të kundërt, Tirana do të shpallej automatikisht kampione e Superiores. Vllaznia nga ana tjetër kërkon me çdo kusht të shmangë play-off.
Ndërkohë, një tjetër sfidë e rëndësishme është ajo në Durrës mes Teutës dhe Partizanit. Durrsakët pasi arritën finalen e Kupës, kërkojnë të hedhin një hap drejt Europës. Nga ana tjetër, të kuqtë që tashmë drejtohen nga Kalari, kanë mungesat prej koronavirusit, ndërsa kjo sfidë shihet si “treni i fundit” për Europën dhe vetëm një fitore mund t’iu japë shpresa.
Sakaq, Bylisi do të presë Laçin, me këta të fundit qe kanë objektiv kualifikimin në Kupat e Europës. Bylisi nga ana tjetër kërkon një rezultat pozitiv në mënyrë që të shmangë play-off.
Ndeshjet:
17:45 Bylis-Laçi
20:45 Vllaznia-Kukësi
20:45 Teuta-Partizani
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
