.png)
Nga Gazeta Si- 3 aksidente janë regjistruar brenda pak orësh në vend, me dy të vdekur dhe tre të plagosur.
Një aksident i rëndë ka ndodhur natën vonë në afërsi të fshatit Leminot të Maliqit ku motori ka përplasur një këmbësor, i cili ka ndërruar jetë.
Një tjetër aksident me vdekje është regjistruar në aksin rrugor Shkodër-Koplik mëngjesin e sotëm.
Një automjet është përplasur me ambulancën në afërsi të fshatit Çezme në Koplik të Malësisë së Madhe.
Viktima është identifikuar si A. K., 57 vjeç, drejtues i automjetit.
Dy pasagjerë të tjerë, ndër to vajza e viktimës, D.K., 18 vjeçe, që ndodheshin në automjet kanë arritur të shpëtojnë dhe ndodhen jashtë rrezikut për jetën.
Aksidenti i tretë ka ndodhur mëngjesin e sotëm në aksin Fier–Libofsh, pranë repartit të FNSH.
Një motomjet ka goditur nga pas një automjet tip Opel, dhe si pasojë e përplasjes së fortë, drejtuesi i motorit ka mbetur i plagosur.
Ai është transportuar me ambulancë në Spitalin Rajonal të Fierit për të marrë ndihmën e nevojshme mjekësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
