.png)
Shkencëtarët vazhdojnë të përparojnë me kërkimet sesa mirë mund të funksionojnë organet e derrit te njeriu dhe janë gati për një hap tjetër: eksperimentet klinike në shkallë të gjerë.
eGenesis, një nga kompanitë bioteknologjike që merret me modifikimin e gjeneve te derrat, organet e të cilëve transplantohen te njeriu, njoftoi të hënën se Administrata Amerikane e Ushqimit dhe Barnave (FDA), u ka dhënë dritën e gjelbër eksperimenteve me veshkën e derrit te njeriu.
“Është një periudhë shumë optimiste”, tha Paul Conway, drejtues i politikave dhe marrëdhënieve globale të Shoqatës Amerikane të Pacientëve me Sëmundje Veshkash.
Derrat e eGenesis modifikohen gjenetikisht që organet e tyre të përshtaten me njerëzit. Për këtë përdoret mjeti CRISPR i cili heq gjenin përgjegjës për karbohidratin alfa gal. Pa të, trupi i njeriut do ta refuzonte thuajse menjëherë një organ derri.
Janë kryer disa ksenotransplante në SHBA me veshkën dhe zemrën e derrit. Kjo ka ndodhur kur pacientët nuk kishin mundësi të tjera dhe organet janë transplantuar sipas rregullave të veçanta që lejojnë përdorimin e terapive eksperimentale për pacientë të pashpresë.
Të hënën, mjekët e Massachusetts General Hospital thanë se kishin kryer transplantin e tretë me veshkë derri. Marrësi, Bill Stewart, e kishte kryer ndërhyrjen më 14 qershor dhe është kthyer në shtëpi e punë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
