Trajneri i Kombëtares shqiptare të futbollit, Edi Reja, në një prononcim të fundit për “Corriere Dello Sport”, ka shprehur solidaritetin ndaj presidentit të FSHF-së, Armand Duka, pas ngjarjeve të fundit. Italiani thekson se politika nuk ka vend në futboll.
“Dua të shpreh solidaritetin tim të plotë për presidentin Duka. Nuk më kishte ndodhur kurrë më parë të shihja një incident të kësaj natyre, më vjen keq për Dukën. Kam dëgjuar për polemikat në Shqipëri, por mund të them që politika nuk ka vend në futboll. Me FSHF-në po bëjmë një punë të jashtëzakonshme dhe do ishte mëkat të prishej apo të vihej në diskutim”, – ka thënë mes të tjerash trajneri Reja.
Pas lajmit të vendosjes së tritolit në shtëpinë e Dukës, mesazhe mbështetëse kreu i FSHF-së ka marrë nga shumë federata europiane, si dhe nga FIFA dhe UEFA.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
