Një lajm i tmerrshëm ka tronditur botën e Motoçiklizmit botëror: Jason Dupasquier, piloti i Moto3 që u aksidentua gjatë provave kualifikuese, nuk ia ka dalë të mbijetojë. Zvicerani 19-vjeçar ka ndërruar jetë paraditen e sotme në një spital të Firences, ku ishte oepruar gjatë natës. Lajmi është dhënë zyrtarisht nga faqja zyrtare në Tuiter e MotoGP, që shkruante: “Do të na mungosh shumë, u prehsh në paqe!”
Pavarësisht ndërhyrjes kirurgjikale, së cilës piloti zviceran iu nënshtrua, nuk mundi të mbijetonte. Gjendja e tij u duk menjëherë shumë e rëndë, duke lënë fare pak shpresë, më pas situata u rëndua dhe ai ndërroi jetë. Menjëherë pas lajmit tragjik një lumë ngushëllimesh nga miqtë dhe shokët, kolegët dhe institucionet kryesore të automobilizmit botëror.
We’re deeply saddened to report the loss of Jason Dupasquier
— MotoGP™🏁 (@MotoGP) May 30, 2021
On behalf of the entire MotoGP family, we send our love to his team, his family and loved ones
You will be sorely missed, Jason. Ride in peace pic.twitter.com/nZCzlmJsVi
“Mjetet e ndihmës së shpejtë dhe mjekët e FIM shkuan menjëherë në vendgjarje dhe piloti u mjekua në pistë, për t’u transferuar më pas me helikopter për në Firence, – shkruhet në faqen e MotoGp – Pavarësisht të gjitha përpjekjeve të stafit mjekësor të cirkuitit dhe atyre që e kuruan më pas, nga spitali është njoftuar se Dupasquier humbi jetën për shkak të plagëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
