Gazeta Si – Një familje prej 4 anëtarësh, nëna, babai dhe dy fëmijët e mitur, janë gjetur të vdekur në shtëpinë e tyre, në Andravidë të Ilias në Greqi.
Mediat lokale raportuan se autori i krimit ishte babai, i cili theri gruan dhe dy fëmijët e tyre dhe më pas u vetëvra.
Megjithatë, informacionet më të fundit nga burime policore dyshojnë se po shqyrtohet mundësia që krimi të jetë kryer nga ish-bashkëshorti i gruas.
Autori i dyshuar mund të ketë vrarë çiftin dhe dy fëmijët që ishin në banesë, dy dhe një vjeç. Ai ka pasur me ish-bashkëshorten e tij një fëmijë të moshës rreth 11 vjeç, i cili ka shpëtuar. Fqinjët thanë se fëmija i madh i familjes nuk ishte në shtëpi kur u krye krimi.
Në shtëpinë ku u gjet e ekzekutuar familja shqiptare, ndodhen forca të forta policie, të cilat kanë rrethuar zonën, duke mbledhur prova dhe marrë dëshmi, në përpjekje për të ndriçuar rrethanat në të cilat ndodhi krimi i rëndë.
Sipas dëshmisë së një gruaje, fëmija i madh i familjes ka gjetur vëllezërit dhe nënën e tij të gjakosur në shtëpi.
Konkretisht, fëmija kapi vëllanë të vogël që pa përballë dhe e tërhoqi zvarrë në rrugë dhe në kishë për të kërkuar ndihmë, në përpjekje për të shpëtuar atë. Dy fëmijët u transportuan në qendrën mjekësore, por fatkeqësisht ishte tepër vonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
