Gazeta Si – Një 55-vjeçar u arrestua në Shkodër, pasi dyshohet se bashkëpunoi me 2 shtetas të tjerë, për të trafikuar rreth 300 kg lëndë narkotike kanabis sativa që u sekuestrua në doganën e Malit të Zi me destinacion Austrinë.
Në vijim të hetimeve lidhur me këtë rast, autoritetet shqiptare në bashkëpunim me ato malazeze kanë ndaluar në Sarandë 55-vjeçarin me iniciale E.B., pasi dyshohet se ai ka bashkëpunuar me babë e bir të arrestuar, konkretisht Ilirjan dhe Kristi Orhani që drejtonin kamionin ku policia malazeze gjeti dhe sekuestroi lëndën narkotike.
Lënda narkotike ishte e ndarë në 180 pako, dhe ishte fshehur në kamionin e ngarkuar me dërrasa dhe paleta prej druri.
Nga verifikimet e kryera nga autoritetet doganore në Mal të Zi, rezultoi se kamioni tip “Renault” kishte ardhur nga Shqipëria dhe kishte kaluar përmes pikës kufitare Bozhaj – Hani i Hotit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
