Gazeta Si – Katër persona janë arrestuar dhe dy u shpallën në kërkim, ndërsa një tjetër është nën hetim në gjendje të lirë në Dibër, pasi akuzohen për trafik klandestinësh.
Rrjeti i refugjatëve sirianë transportohej nga Turqia, në Shqipëri dhe më pas në Kosovë, Serbi dhe Hungari për t’u shpërndarë në vendet e Bashkimit Europian.
Bëhet fjalë për dy djem dhe dy vajza: Ahmet Meslima 23 vjeç me origjinë nga Siria, Durim Domi, 39 vjeç, Artemisa Ahmataj dhe Jesmira Korhysa 20 vjeçe.
Shuma e parave që çdo emigrant i paligjshëm paguante varionte nga 4000 deri në 6000 euro, të cilat i kryenin nëpërmjet kompanive për shërbimet e transfertave të parave.
Sipas hetimeve, është dokumentuar se këta persona janë autorët e dy rasteve të tjera të tentativës për të transportuar emigrantë të paligjshëm, gjatë muajve janar dhe shkurt.
Në cilësinë e provës materiale janë sekuestruar 3 automjete, një laptop, 12 telefona celularë, 1000 euro dhe 5 pasaporta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
