.png)
Gazeta Si – Gjatë natës rusët kanë sulmuar për herë të 6-të nga ajri Kievin që nga fillimi i majit, por pa shkaktuar viktima. “Të gjithë dronët armiq janë shkatërruar”, – kanë bërë me dije autoritetet ushtarake ukrainase.
Shefi i administratës ushtarake në kryeqytetin ukrainas, Serhiy Popko, tha: “Këtë herë armiku ka sulmuar, duke përdorur vetëm mjete ajrore pa pilot. Gjatë alarmit të fundit, që zgjati dy orë e gjysmë, në hapësirën ajrore në drejtim të kryeqytetit janë evidentuar municione iraniane Shahed. Nuk ka dëme dhe të plagosur”.
Sipas ushtrisë ukrainase, numri i ushtarëve rusë të vrarë dhe të plagosur gjatë luftës ka shkuar në 198.260.
Sekretari i Shtetit amerikan, Antoni Blinken, ka pasur një bisedë telefonike me ministrin e Jashtëm të Ukrainës, Dmitro Kuleba. Ata kanë diskutuar për përgatitjet për kundërofensivën e Kievit.
“Të dy, – shkruhet në një komunikatë të Uashingtonit, – kanë diskutuar në lidhje me mënyrën, me të cilën kontributi i partnerëve ndërkombëtarë mund të mbështesë suksesin”.
Blinken ka theksuar se sovraniteti i Ukrainës është “jetësor për paqen dhe sigurinë në Europë”. Ai ka siguruar impejimin maksimal të SHBA-ve dhe presidentit Xho Bajden për të qenë në krah të Ukrainës “për gjithë kohën e nevojshme”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
