Partisë Demokratike i ikën edhe një tjetër kandidat në listën shumemërore. Është Alban Zeneli, kandidati i qarkut të Kukësit, i cili ka depozituar sot formularin e Dekriminalizimit në Komisionin Qendror të Zgjedhjeve.
Zeneli është i renditur i treti në listën e PD-së për Kukësin dhe pritet që të marrë mandatin e lënë nga ana e deputetit Flamur Noka.
Alban Zeneli ka qenë një ndër kandidatët që ka firmosur fillimisht deklaratën e refuzimit të mandatit, por më pas është tërhequr. Ai mori pjesë edhe në protestën e fundit më 5 mars që zhvilloi opozita.
Edhe më parë Zeneli ka qenë deputet i PD-së në legjislaturën e kaluar, i zgjedhur po në qarkun e Kukësit. Ai ka qenë anëtar i komisionit parlamentar të Sigurisë përgjatë katër viteve në 2013-2017.
Më këtë lëvizje, PD-së i shkon në katër numri i kandidonte që pranojnë të marrin mandatin e deputetit. Gjithashtu lista e demokratëve që duan të marrin mandatin pritet të shtohet në ditët në vijim. Me dy deputetët që refuzuan dorëzimin e mandatit, numri i demokratëve në Kuvend do të shkojë në gjashtë gjithsej.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
