Gazeta Si – Armando Broja nuk mundi të shënojë as sot, në ndeshjen me Bërnlin, ku Sauthemptoni humbi 2-0. Sulmuesi kuqezi qëndroi në fushë 90 minuta. Ai këtë herë luajti i vetëm në majë të sulmit, i mbështetur pasa krahëve nga Eljonusi dhe Armstrong.
U bënë disa ndeshje radhazi tashmë që Broja nuk po del në lojën e tij, pavarësisht përpjekjeve. Mungesa e golave të tij ka ndikuar edhe në rezultatet e Sauthemptonit, që në 5 javët e fundit ka pësuar 3 humbje, ka marrë 1 barazim dhe 1 fitore ndaj Arsenalit.
Sulmuesi shqiptar ka humbur shkëlqimin e pjesës së parë të sezonit, ku shënoi disa gola me peshë, por edhe shfaqi një nivel të lartë loje. Është një moment kalimtar, që i ndodh çdo lojtari gjatë sezonit. Ndoshta tifozët shqiptarë dhe ata të Sauthemptonit nuk janë mësuar ta shohin Brojën pa gol për një kohë kaq të gjatë.
Pavarësisht këtij momenti jo të mirë, në Angli vazhdojnë të besojnë se Armando Broja mund t’i bëjë punë Çelsit. Tifozët e klubit londinez janë tejet të zhgënjyer me Lukakun dhe kërkojnë rikthimin e futbollistit shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
