Gazeta Si – Shqipëria do të luajë një ndeshje miqësore me Arabinë Saudite. Lajmi bëhet i dituar nga FSHF-, që saktëson se kjo ndeshje do të zhvillohet më 26 tetor 2022, në Abu Dabi. Ora dhe stadiumi mbetet të konfirmohen në një moment tjetër.
Për kuqezinjtë do të jetë hera e parë që ndeshen me Arabinë Saudite. Para fillimit të Botërorit të Katarit, Shqipëria do të luajë edhe miqësore të tjera, njëra prej tyre me Italinë në ‘Air Albania’ dhe një tjetër me Kosovën, ndoshta në Gjermani ose Zvicër.
Kombëtarja e drejtuar nga trajneri Edi Reja luan në fund të muajit dy ndeshjet e radhës në Ligën e Kombeve. Më 24 shtator është transferta me Izraelin dhe më 27 shtator ndeshja me Islandën në ‘Air Albania’.
Në dy ndeshjet e para Shqipëria ka marrë vetëm një pikë, pas barazimit në Isalndë, ndërsa nga Izraeli është mundur në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
