Gazeta Si – Asnjë dyshim, asnjë diskutim. Maks Vershtapen arriti fitoren e 14-të sezonale në Meksikë, duke vendosur një rekord të ri. Holandezi kaloi Mikael Shumakerin dhe Sebastian Fetelin, të cilët i kishte barazuar vetëm 7 ditë më parë në Austin.
RACE CLASSIFICATION (LAP 71/71)
— Formula 1 (@F1) October 30, 2022
Max Verstappen's remarkable season continues #MexicoGP #F1 pic.twitter.com/iVxbH6XrgK
Në pod u ngjitën edhe Ljuis Hemilton dhe Serxhio Perez. Në vend të katërt u rendit Xhorxh Rasëll, i cili zhgënjeu në këtë garë, por jo aq sa Ferrari, që nuk u ngjit në nivelin e duhur. Vendi i 5-të për Karlos Sainz dhe vendi i 6-të për Sharl Leklerk, të dy larg makinave Mercedes dhe akoma më shumë ndaj Red Bull-it.
Ishte një demonstrim superioriteti nga ana e Vershtapen dhe Red Bull-it në garën e tretë nga fundi i Botërorit. Një sezon që është dominuar nga piloti holandez dhe skuderia austriake.
Në Meksikë kampioni i botës ka shënuar rekordin e radhës: 14 fitore sezonale kundër 13 të Shumaker në 2004-ën dhe Fetel në 2013-ën. Dhe Botërori ka edhe dy gara, në Brazil dhe Abu Dabi, ku Vershtapen mund të bëjë një hap tjetër në histori, ose ndoshta dy.
Most-ever points scored in a season
— Formula 1 (@F1) October 30, 2022
👏👏👏 Max Verstappen #MexicoGP #F1 pic.twitter.com/PfWwHFsVcp
Holandezi shfrytëzoi ‘pole position’ në Meksikë dhe e administroi mirë garën, edhe karikimin e fillimit nga ana e Hemilton. Anglezi luftoi fort, por u detyrua të hiqte dorë nga vendi i parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
