Gazeta Si – Rreth 4.000 vepra arti janë zbuluar nga policia në Tiranë të dyshuara si të vjedhura. Sipas policisë, veprat e artit janë zbuluar në një banesë në rrugën “Shyqyri Brati” në zonën e “Ali Demit”, ndërsa në pranga është vënë një 61-vjeçar me iniciale A.K.
Ai u arrestua edhe nëntë vite më parë në operacionin “Ikona”, së bashku me koleksionistin Gjergji Thimo, të akuzuar për vjedhjen dhe trafikimin e veprave të artit.
Objektet e trashëgimisë kulturore dyshohet se janë marrë apo vjedhur nga kishat Ortodokse në Shqipëri, Greqi dhe në Maqedoninë e Veriut.
Objektet përfshijnë, pjesë ikonostasesh të vjetra kulti, me pjesë etnografike, të artit pamor, kulti liturgjike, libra të vjetër, kodikë, mobilje të vjetra dhe epitafe.
Tashmë 61-vjeçari, akuzohet për veprat penale “Vjedhja e veprave të artit e kulturës”, dhe “Trafikimi i veprave të artit dhe kulturës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
