.png)
Nga Gazeta Si- Mbi 10 mijë suplemente ushqimore dhe bimore janë sekuestruar në Tiranë pas një operacioni të policisë.
Produktet mbaheshin në një magazinë në Tiranë, për llogari të një subjekti me aktivitet ndërkombëtar në fushën e reklamimit digjital.
Sipas policisë, suplementet ishin të skaduara dhe të kontrabanduara.
Policia ka shpallur në kërkim administratorin e subjektit (nga Bosnja dhe Hercegovina), si dhe janë proceduar penalisht 2 punonjës, J. G., 30 vjeç dhe M. Ç., 26 vjeç.
Nga kontrolli i ushtruar në ambientet e subjektit, specialistët e Seksionit për Hetimin e Krimeve Ekonomiko-Financiare gjetën dhe sekuestruan mbi 10 000 suplemente ushqimore dhe bimore të skaduara, pa pullën e Agjencisë së Barnave dhe pa atë të Ministrisë se Financave, si dhe pa etiketa në gjuhën shqipe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje