Një 27-vjeçar në Tiranë, i cili grabiste qytetarët, kryesisht femrat, nën kërcënimin e thikës, është arrestuar mbrëmjen e djeshme nga forcat e policisë “Shqiponja”.
I riu nga Laçi, me iniciale T.S., u arrestua në flagrancë në bulevardin “Gjergj Fishta”, duke tentuar të vjedhë me dhunë sendet me vlerë një qytetareje.
Sipas policisë, nga hetimet dhe provat e siguruara, rezulton se ky shtetas dyshohet se është autor edhe i dy ngjarjeve, konkretisht: i vjedhjes me dhunë nën kërcënimin e thikës të një shume parash dhe disa sendeve me vlerë të shtetases E.I; dhe tentativës së vjedhjes së sendeve me vlerë të shtetases M.H.
Materialet në ngarkim të shtetasit T. S. i kaluan Prokurorisë së Rrethit Gjyqësor Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
