Dy persona janë arrestuar dhe një tjetër është shpallur në kërkim pas arrestimit të 7 emigrantëve të paligjshëm, të cilët po transportoheshin me furgon.
Të arrestuarit janë L.B. alias K.K. 34 vjeç dhe E.M. i dënuar më parë për vrasje të mbetur në tentativë. Ndërsa në kërkim u shpall bashkëpunëtori i tyre, M.D. 36 vjeç.
Ata u kapën nga shërbimet e policisë pranë një qendre tregtare, duke transportuar me furgon 7 emigrantët, të cilëve kundrejt shpërblimit monetar iu kishin premtuar kalimin drejt vendeve të BE-së.
Transportuesit akuzohen për dhënie ndihme për kalim të paligjshëm të kufirit të kryer në bashkëpunim dhe kalim i paligjshëm i kufirit.
Policia e Tiranës ka proceduar penalisht edhe 7 emigrantët e huaj për kalim të paligjshëm të kufirit, ndërkohë që vijojnë hetimet identifikimin e personave të tjerë të implikuar në këtë aktivitet kriminal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
