Gazeta Si – Një 59-vjeçar është arrestuar në Tiranë, pasi është denoncuar për vjedhje nga pronarët e një kompanie ku ai kishte detyrën e administratorit.
Sipas policisë, ai i ka vjedhur kompanisë që drejtonte 28 milionë lekë të reja përgjatë një periudhe 3-vjeçare, duke i shkaktuar një dëm kolosal.
Mësohet se këtë vjedhje ai e kishte kryer në bashkëpunim me ekonomisten e kompanisë, e cila është proceduar penalisht në gjendje të lirë.
Nga viti 2018 deri në 2021-in, shtetasi K.M., së bashku me bashkëpunëtoren e tij, me iniciale N.Gj., kanë shpërdoruar detyrën, duke vjedhur të ardhurat e kompanisë ku ishin të punësuar.
Ata akuzohen tashmë veprat penale “Vjedhja e kryer duke shpërdoruar detyrën”, “Fshehja e të ardhurave” dhe “Mashtrimi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
