.png)
Gazeta Si – Një 29-vjeçar u arrestua në Tiranë, i akuzuar për “pornografi me të mitur”, në kuadër të operacionit ndërkombëtar të koduar “STREAM”, që synon goditjen e shfrytëzimit seksual të të miturve në internet.
Sipas njoftimit zyrtar, policia thotë se në pranga ra M. Z., 29 vjeç, banues në Tiranë. Operacioni “STREAM” është zhvilluar me pjesëmarrjen e agjencive ligjzbatuese të 35 shteteve, në drejtimin e Policisë Kriminale Shtetërore të Bavarisë dhe Zyrës Qendrore Bavareze për Ndjekjen e Krimit Kibernetik (ZCB), me mbështetjen e EUROPOL-it.
“Pas informacioneve të ardhura nga autoritetet policore gjermane dhe nga EUROPOL-i, Drejtoria për Hetimin e Krimeve Kibernetike ka kryer veprimet hetimore që çuan në identifikimin dhe arrestimin e shtetasit M. Z.”, thuhet në njoftimin e Policisë së Shtetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
