Gazeta Si – Një 42-vjeçar, me iniciale R.Z., ka denoncuar mëngjesin e kësaj të enjteje se është qëlluar me armë zjarri kur ndodhej në makinë në lëvizje.
Sipas tij, ngjarja ka ndodhur në zonën e “Don Boskos” dhe për fat të mirë nuk ka persona të ;ënduar.
Në denoncimin e bërë në polici, ai është shprehur se drejt makinës së tij është qëlluar me armë nga një person i paidentifikuar, i cili ishte në këmbë.
Nga të shtënat nuk ka persona të lënduar. Grupi hetimor që shkoi në vendngjarje gjeti disa gëzhoja.
Po kështu, nga këqyrja e kamerave të sigurisë në zonë, është vënë re një person i dyshuar i cili është shpallur në kërkim.
Raportohet se policia nuk e ka identifikuar plotësisht. Dyshohet se bëhet fjalë për një person që mund të ketë nga burgu kohët e fundit. Ai është filmuar nga kamerat e sigurisë së bizneseve në zonë dhe është shpallur në kërkim nga policia.
Ndërkohë policia ka sekuestruar kamerat e sigurisë, me qellim për të zbardhur ngjarjen dhe për të identifikuar autorin
“Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar”, – njofton policia e Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
