.png)
Gazeta Si - Një ndeshje dramatike është luajtur sot në stadiumin ‘Selman Stërmasi’, ku Tirana është mundur 2-3 nga Egnatia kryesuese. Dy herë ishin në avantazh kryeqytetasit, por në fund dolën pa pikë nga kjo sfidë, duke hyrë në krizë, pasi është humbja e dytë radhai, pas asaj në derbin me Partizanin.
Lulaj e kaloi Tiranën në avantazh pas vetëm 4 minutash. Egnatia barazoi me goleadorin e saj Duamena, ndërsa braziliani Kaina riktheu epërsinë e ekipit vendës. Pjesa e parë u mbyll 2-1, kurse në të dytën gjithçka ndryshoi.
Duamena tregoi klasin me një gol shumë të bukur, duke barazuar shifrat në 2-2. Tirana më pas mori një tjetër goditje, teksa Paulauskas shënoi edhe golin e 3-të për rrogozhinasit, pas një krosi të Ndrecës.
Egnatia pati edhe raste të tjera për ta thelluar avantazhin, por poriteri Kozi dhe Përgjoni u bënë shpëtimtarë. Në sekondat e fundit Duamena u ndëshkua me karton të kuq.
Egnatia forocon pozitat e saj në krye të klasifikimit me 19 pikë pas 9 javësh, kurse Tirana mbetet në vend të 4-t, me 13 pikë dhe 4 humbje në 5 ndeshjet e fundit. Tani vazhdimi i Ahmatajt në krye të kësaj skuadre duket shumë i vështirë. Ai mori përkohësisht drejtimin e Tiranës, pas pezullimit të Shehit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
