Brenda një periudhe të shkurtër, Tirana ka marrë gjobën e radhës nga Komisioni i Disiplinës dhe Etikës pranë FSHF-së. Ashtu si në derbin me Partizanin, klubi kryeqytetas duhet të shlyejë brenda 15 ditësh gjobën prej 100 mijë lekësh për dëmet e shkaktuara nga tifozët e saj në “Air Albania”.
Po me të njëjtën shumë është gjobitur edhe Vllaznia, pasi edhe tifozët e saj shkaktuan dëme gjatë ndeshjes. Për Tiranën është një rast i përsëritur, madje në dy ndeshje radhazi, ndaj dhe Disiplina ndoshta duhej të ishte treguar pak më e ashpër.
Vendimet kryesore të Disiplinës dhe Etikës
Skënderbeu, për sjellje të gabuar të spektatorëve, dënohet me gjobë në masën 20.000 lekë.
Tirana, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, dënohet me gjobë në masën 100.000 lekë. Tirana urdhërohet të dëmshpërblejë dëmet e shkaktuara në stadiumin “Air Albania” brenda 15 ditëve.
Vllaznia, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, dënohet me gjobë në masën 100.000 lekë dhe urdhërohet të dëmshpërblejë dëmet brenda 15 ditëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
