.png)
Gazeta Si – Derbin në merkato mes Tiranës dhe Partizanit e kanë fituar bardheblutë, të cilët sot kanë zyrtarizuar afrimin e mesfushorit Regi Lushkja. Me një video në faqen zyrtare në Facebook, Tirana ka bërë të ditur firmën me futbollistin kavajas.
Një vit më parë Lushkja la Laçin dhe shkoi te Sherif Tiraspol në Moldavi. Mesfushori 26 vjeçar nuk ka pasur hapësirat e nevojshme me këtë skuadër dhe ka vendosur të rikthehet në Superiore, duke veshur fanellën e Tiranës.
Për kavajasin pati interesim edhe nga Partizani, por në fund ka fituar Tirana. Detajet e marrëveshjes nuk janë bërë të ditura, ndërsa trajneri Shehi do të ketë një vlerë të shtuar tashmë në skuadër. Lushkja gjen te Tirana edhe kavajasin tjetër, Ardit Deliu, me të cilin kanë luajtur te Laçi.
Edhe Partizani po tenton një rikthim të bujshëm, Lorenc Trashin. Mbrojtësi i majtë ka mbyllur aventurën në Katar dhe është ende pa skuadër. Gjasat janë të mëdha që ai të veshë sërish fanellën e Partizanit, me të cilin u shpall kampion disa sezone më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
