Në verë është rezervuar të luhet kompeticioni më i madh i kontinentit të vjetër Euro 2020. Duhet të ishte luajtur sezonin e shkuar, por pandemia ndaloi gjithçka dhe UEFA u detyrua ta zhvendosë në fund të këtij sezoni.
Teksa bëhet gati për nisjen, Euro 2020 shton një sponsor të ri dhe shumë popullor, sidomos që nga nisja e pandemisë. Aplikacioni i njohur social, “Tik Tok” do të jetë sponsor kryesor i kampionatit Europian të futbollit, Euro 2020. Është hera e parë që një platformë argëtimi sponsorizon një turne të madh futbolli. Si pjesë e marrëveshjes, TikTok do të nisë një sërë karakteristikash të përmbajtjes për të promovuar turneun, si efekte zanore, sfidat e Hashtag dhe transmetimet video të TikTok Live.
🤝 Welcome on board, @TikTok_UK – a new global sponsor for @EURO2020!
— UEFA (@UEFA) February 11, 2021
🔜 Exclusive content | AR effects | Hashtag challenges | TikTok Lives#EURO2020 pic.twitter.com/BJ8Qu2G95t
Vlera e marrëveshjes nuk bëhet e ditur por mendohet se vlen dhjetëra miliona paund. Raporti financiar i Euro 2016, i cili kishte 10 sponsorë, tregoi të ardhura prej më shumë se 480 milion € (421 milion) nga të drejtat televizive. Guy-Laurent Epstein, drejtori i marketingut i Uefa, tha:
“Gjatë muajve të ardhshëm, ne me të vërtetë po presim që të punojmë ngushtë me TikTok në mënyrë që t’u sigurojmë fansave, një përvojë unike dhe inovative të Uefa Euro, e cila do t’u japë atyre mundësinë të lidhen dhe të ndajnë pasionin e tyre rreth një prej ngjarjeve kryesore sportive në botë. “Sponzoruesit e tjerë zyrtarë të Euro 2020, i cili është planifikuar të zhvillohet në 12 qytete nga 11 qershori deri më 11 korrik, përfshijnë Coca-Cola, Heineken, Takeaway.com dhe Vivo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
