.png)
Nga Gazeta ‘Si’- Tik Tok pritet të ndalohet në të gjitha institucionet e Republikës së Kosovës.
Kjo pritet të bëhet me një vendim qeveritar ditën e sotme, në mbledhjen e qeverisë e cila fillon në orën 14:00. Propozimi i Ministrisë së Punëve të Brendshme lidhet me çështje të sigurisë.
“Shqyrtimi i Propozim-vendimit për ndalimin e funksionimit të shërbimeve të Rrjetit Social “Tik-Tok” në të gjitha institucionet e Republikës së Kosovës”, është pika e pestë e këtij propozim-vendimi të hartuar nga Ministria e Punëve të Brendshme.
Platforma e ndarjes së videove, e cila është në pronësi të kompanisë kineze Bytedance, ka pohuar prej kohësh se nuk i ndan të dhënat e përdoruesve me qeverinë kineze dhe se drejtohet në mënyrë të pavarur.
Por disa ekspertë shqetësohen se informacionet e ndjeshme mund të ekspozohen kur aplikacioni shkarkohet, veçanërisht në pajisjet qeveritare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
