Sulmuesi i Kombëtares shqiptare, Myrto Uzuni, po kalon një formë të shkëlqyer me Granadën në Spanjë.
14 golat e shënuar në këtë sezon e kanë bërë sulmuesin beratas, i cili ka mbajtur në disa ndeshje edhe shiritin e kapitenit te Granada, idhullin e tifozëve vendas.
Të gjithë janë të çmendur pas Uzunit dhe këtë e vërteton më së miri rrugëtimi që një tifoz i Granadës nga Argjentina, ka ndërmarrë për të takuar idhullin e tij më të madh.
Vogëlushi nga provinca e Tukaman në Argjentinë ka përshkruar mbi 11.600 kilometra për të parë nga afër duke luajtur sulmuesin kuqezi në stadiumin e skuadrës së tij të zemrës.
Dhe lodhja e mundimi ja vlejtën pasi Granada ia plotësoi ëndrrën djaloshit argjentinas për të takuar nga afër Myrto Uzunin pas ndeshjes me Kartagjenën, ku sulmuesi shënoi një tripletë.
Në ambientet e jashtme të stadiumit, Uzuni u ndal të përqafonte fansin e tij, duke shkëmbyer një bisedë të shkurtër me të. Uzuni i ka firmosur edhe fanellën me numrin 10 që djaloshi argjentinas mbante veshur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
