.png)
Gazeta Si – Sjellja e gabuar e tifozëve haset çdo javë në kampionatet e futbollit në Shqipëri. Ku më shumë e ku më pak. Gjobat duket se nuk kanë efekt, ndaj dhe Komisioni i Disiplinës ka vendosur të dënojë me ndeshje pa tifozë ekipet e Erzenit në Superiore dhe Tomorit në Kategorinë e Parë.
Të njëjtën problematikë kanë edhe stadiumet e Rrogozhinës dhe Bllshit, por për ta ka pasur vetëm gjoba. Paralajmërime edhe për disa klube të tjera, gjithmonë për çështjen e sjelljes së tifozëve.
Vendimet kryesore të Disiplinës në FSHF
Erzeni, për dështim në përmbushjen e detyrimeve dhe përgjegjësive, sjelljes së gabuar të spektatorëve dhe hedhjen e sendeve në terrenin sportiv, dënohet me 4 ndeshje pa spektatorë dhe 50000 lekë gjobë.
Bylisi paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore.
Egnatia, për sjellje të gabuar të spektatorëve, hedhjen e sendeve në terrenin sportiv, dënohet me gjobë në masën 50000 lekë.
Flamurtari paralajmërohet se në rast të përsëritjes së sjelljes së gabuar të spektatorëve do të jetë subjekt i masave disiplinore.
Tomori, për sjelljen e gabuar të spektatorëve, duke hedhur sende brenda rrethimit të fushës dhe dështim në përmbushjen e detyrimeve dhe përgjegjësive, duke lejuar hyrjen brenda rrethimit të fushës të personave të paautorizuar, që shkaktuan ndërprerje të përkohshme të lojës, dënohet me 4 ndeshje pa spektatorë dhe gjobë 50000 lekë.
Apolonia paralajmërohet se në rast të përsëritjes së sjelljes së gabuar të spektatorëve do të jetë subjekt i masave disiplinore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje