.png)
Gazeta Si – Pas 14 vjetësh nga hera e fundit do të ketë një derbi rus në finale, ai mes Andrei Rublev dhe Danil Medvedev, respektivisht koka serie numër 2 dhe 3. Ata do të diskutojnë nesër trofeun e ATP 500 të Dubait, në Emiratet e Bashkuara Arabe.
Ka marrë fund pathyeshmëria e Novak Gjokoviçit në 2023-shin. Ashtu si vitin e kaluar (kur u mund në çerekfinale nga Veseli), numri 1 në botë nuk arrin të fitojë turneun që zhvillohet në një vend, që për të është si shtëpi e dytë. Kur humb numri 1 në botë, sigurisht që është lajm.
Medvedev, pas Australian Open, duket se është kthyer ai i mëparshmi, shumë i fortë në çimento. Rusi mposhti me një dopio 6-4 serbin në një ndeshje të nivelit të lartë. Për Medvedev është fitorja e 13-të radhazi, pas humbjes në Melburn ndaj Kordas.
Ai ka pasur sukses në Doha dhe Roterdam, ndërsa në Dubai luan finalen e 30-të në karrirerë. Për ‘Nolen’ është një humbje pa shumë dhimbje dhe tani pritet të mësohet, nëse do të marrë pjesë në ‘Indian Wells’ apo jo.
Now this is going to be a good one 😎@AndreyRublev97 and @DaniilMedwed face off in the final 🙌@DDFTennis | #DDFTennis pic.twitter.com/FarSee0oVZ
— ATP Tour (@atptour) March 3, 2023
Në gjysmëfinalen tjetër, Rublev eliminoi 6-3, 7-6 gjermanin Aleksander Zverev. Një ndeshje me dy fytyra për rusin, që dominoi setin e parë, kurse në të dytin vuajti, duke anuluar edhe një ‘set point’. ‘Tie break’-un e gjatë Rublev arriti ta mbyllë vetëm në ‘match point’-in e 6-të, duke e mundur për herë të parë në karrierë gjermanin. Për Rublev do jetë finalja e 18-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
