.png)
“Tre luanët” është kënga e shkruar para se Anglia të organizonte kampionatin Europian në 1996 nga David Baddiel dhe Frank Skinner, një këngë e cila vajton për “vitet e lënduara” të futbollit anglez por gjithashtu që jep shpresën se “futbolli po vjen në shtëpi” këtë herë.
E luajtur në çdo festë, kënga ka hyrë sërish në toplistat muzikore gjatë Euro 2020, ashtu si çdo herë që Anglia garon në një kampionat Europian ose Kupë Bote.
Anglia është e pamposhtur në 15 nga 17 ndeshjet e fundit në Stadiumin Wembley në të gjitha garat, duke shënuar 46 gola dhe duke pësuar vetëm pesë.
Ndeshjen e fundit me Danimarkën ajo shkoi në finalen e Wembley-t falë një autogoli të danezëve dhe një penalltie në shtesë e cila u kthye në gol nga Kejn.
Sipas tregjeve të basteve, asnjëherë në historinë e fundit ekipi i futbollit në Angli nuk ka pasur një shans më të mirë për të fituar një turne të madh por megjithatë parashikimet e The Economist vlerësojnë se finaliste do të jetë Italia.
Para gjysmëfinales së Euro 2020, midis Spanjës dhe Italisë në 6 korrik dhe Anglisë dhe Danimarkës në 7 korrik, Betfair Exchange vendosi shansin e Anglisë për të fituar turneun me 38%.
Kjo i dha Italisë një shans prej 30%, Spanjës 24% dhe Danimarkës vetëm 9% gjë që e bëri Anglinë favorite por tashmë sipas tyre kupën do e ngrejë Italia.
Anglia ka fituar vetëm një turne të madh, Kupën e Botës në 1966.
Hat-trick i Geoff Hurst në finale tani është aq larg në të kaluarën saqë vetëm 17 milion nga 56.5 milion njerëz të Anglisë ishin gjallë për ta parë atë. Pjesa tjetër ka dëshmuar një sukses të gabimeve të afërta dhe jo aq të afërta.
Anglia ka humbur penalltitë në dy gjysmëfinale: Kupa e Botës në 1990 dhe Euro 1996. Tre vjet më parë një goditje e lirë nga mbrojtësi i plotë Kieran Trippier i dërgoi ata 1-0 ndaj Kroacisë në një tjetër gjysmëfinale të Kupës së Botës , por Anglia përfundimisht humbi.
Duke përjashtuar Euron në 2008, për të cilat ata nuk u kualifikuan, Anglia ka hyrë në çdo konkurs që nga viti 2002 renditur e shtata ose më e lartë nga renditja botërore Elo (parashikues më i mirë i rezultateve të ndeshjeve sesa vlerësimet zyrtare të FIFA-s.)
Anglia humbi në çerekfinalet e Kupave të Botës në 2002 dhe 2006 dhe Kampionatet Europiane në 2004 dhe 2012.
Çfarë ka ndryshuar atëherë për Anglinë në 2018 dhe 2021?
Ata u vlerësuan respektivisht të shtatët dhe të gjashtët në botë, por kanë përfituar nga barazimet e favorshme. Katër fitoret e tyre nokaut në këto gara kanë qenë mbi kundërshtarët modestë: Kolumbia dhe Suedia në 2018 dhe një Gjermani e dobët dhe një Ukrainë e dëshpëruar në 2021.
Ndeshja e fundit ishte e vështirë me Danimarkën pasi danezët që nga fillimi i kampionatit kanë luajtur një lojë tërheqëse dhe dukeshin të frymëzuar për të patur sukses pas arrestit traumatik kardiak të pësuar nga Christian Eriksen, në ndeshjen e tyre hapëse.
Italia, e cila mundi Spanjën me penallti të martën në mbrëmje për të arritur në finale, ka fituar dy Kupa Botërore dhe një titull europian që nga triumfi i Anglisë në 1966.
Shanset për Italinë janë 51% dhe për Anglinë janë 40% sipas Betfair Exchange.
Edhe pse Anglia ka përparuar në gjysmëfinale pa pësuar gol, tregjet e basteve sugjerojnë se ka 60% mundësi që futbolli në fund të fundit, të mos kthehet sërish në shtëpi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
