.png)
Që kur shtetet amerikane legalizuan bastet sportive në 2018-n, rritja e fortë e industrisë ka tërhequr vëmendje. Por trendi nuk vërehet vetëm në Shtetet e Bashkuara. Në shumicën e tregjeve botërore bastet sportive, që dikur ishin një copëz e vogël e kumarit, tashmë po bëhen një industri globale.
H2 Gambling Capital, një kompani konsulence ka përllogaritur se shpenzimet vjetore të një vendi për bastet sportive shkon rreth 130 mld dollarë, e treta pas kazinove 209 mld dhe llotarive 154 mld.
Pandemia e Covid-19 mbylli kazinotë fizike si edhe dyqanet ku shiteshin biletat e llotarisë apo ku kishte makineta slot. Por njerëzit u dyndën në kumarin online gjatë kësaj periudhe, sidomos në Europë. Italia dhe Franca e legjitimuan këtë lloj kumari në 2010-n dhe Spanja në 2011-n. Gjermania nuk e rregulloi tregun deri në vitin 2021. Ndryshe nga Amerika, që e pati shumë të lehtë tranzicionin nga fizike në online, tregjet europiane ndërtuan çdo gjë nga fillimi. Fitimet e tregut online u dyfishuan nga 2019-a në 2024-n.
Edhe pse Amerika është ekonomia më e madhe, Europa mban pjesën më të madhe të këtij tregu. Me rëndësi është edhe Kina e Japonia ku ekzistojnë edhe bastet për gara me kuaj e varka.
H2 parashikon se tranzicioni nga kumari tradicional në atë virtual do të vazhdojë për të gjtihë dekadën dhe do të kenë rritje më të fortë lojërat e kazinove se sa ato sportive. Pengesa e vetme është ligji. Politikanët në botë nuk janë pro këtij tregu.
Shtetet australiane, që shpenzojnë 1.2% të PBB-së në kumar po rishikojnë reformat. Spanja ka ndaluar reklamimin e basteve dhe Britania ka vendosur një çmim limit në makinetat slot. Edhe pse Amerika është treguar mikpritëse me industrinë e basteve sportive, nuk do të ishte surprizë ndërrimi i kursit. Në fund të fundit, kumari duhet të shijohet me përgjegjësi!
Burimi:TheEconomist/ Gazeta ‘Si’
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
