Në mënyrë të befasishme Teuta ka rikthyer në stol Edi Martinin, trajneri me të cilin u shpall kampione sezonin e kaluar. Shkodrani dha dorëheqjen para tri javësh dhe klubi durrsak e zëvendësoi me Renato Arapin, ish-kapitenin e skuadrës, por sot situata u përmbys.
“Edi Martini është rikthyer në krye të stolit të Teutës. Vendimi është marrë sot në mbrëmje nga presidenti i Teutës, z.Edmond Hasanbelli. Renato Arapi do të vazhdojë të jetë pjesë e klubit të Teutës dhe do të rikthehet në pozicionin e drejtorit sportiv”, – shkruhet në njoftimin e klubit durrsak.
Arapi e drejtoi Teutën në tri ndeshjet e fundit, në barazimin me Vllazninë, fitoren me Dinamon dhe barazimin me Kukësin. Tani drejtimin e skuadrës e merr sërish Martini. Teuta mban vendin e 6-të në tabelën e klasifikimit, me 18 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
